Bûk û tûtûk
Ji kevnetora kurdî
Hebû
tunebû, rehme li dê û bavê min û we bû, çûkek hebû, çûkekî
bê kar û bar bû. Ji xwe re difiriya, dikir çîveçîv û li ser
vê yan wê darê vedinişt. Rojekê ji rojan biryara xwe da ku
here ji bo xwe havilekê bike. Bi rê de çûk westiya, li ser
sitirîyekê venişt. Çima sitirîyek di lingê wî ranabe!!
Sitirî gelekî canê wî êşand. Kire qîre-qîr û hawar.
Bi vir de û wir de firiya, çû û çû ta ko
rastî pîrikekê hat. Pîrik li ber tenûrekê bû. Ardû xistibû
tenûrê, pif dikir nedikir agir pê nediket ko tenûra xwe germ
bike. Çûk çû li ser tenûrê venişt, ji pîrê re got:
ÛŞY.. ÛŞY : Pîrê, stiriyek ketiye lingê min, heke tu wî
stirîyî derxî bavêjî tenûra xwe wê agirê te pê keve, tenûra
te germ bibe, tu yê nanê xwe lêxî.
Pîrê got: ÛŞY.. ÛŞY, Baş e! Sitirî derxist,
avêt tenûra xwe pif kire agir, Agir pê ket, tenûr germ bû,
pîrê nanê xwe lê da, nan pijiya, gava pîrê nanê xwe yê dawîn
ji tenûrê derxist ko bide rê biçe malê, çûk ji ser darê
firriya hat got: ÛŞY.. ÛŞY, Pîrê ez sitiriyê xwe dixwazim.
Pîrê got: ÛŞY.. ÛŞY, Min sitriyê te avêt
tenûrê pê nanê xwe lê da.
Çûkî got: ÛŞY.. ÛŞY, Min çi jê ye, ya divê
tu sitirîyê min bidî yan jî ez ji dêvla wî ve heft nanan ji
te dixwazim.
Pîrê got: ÛŞY.. ÛŞY, Aman, yeman çûko wiha
meke, ma ne te sitirî da min, min xêra xwe ew ji piyê te
derxist, te bi xwe got bavêje tenûrê da agirê te pê keve.
Kir nekir, Çûko ji ya xwe nehat xwarê, got: ÛŞY.. ÛŞY, Ya
sitiriyê min yan jî heft nan! Pîrê mecbûr heft nan dan
çûkoyî.
Çûko heft nanên xwe girtin firiya çû, dît ku şivanek
li ber peze, şivan şîr dotiye tasa şivaniyê, bişkulan diçîne
şîr, dike bi wî awayî bixwe. Çûko çû li ser berekî ber şivan
venişt got: ÛŞY.. ÛŞY, Şivano, a ji te re
heft nan, biçîne şîrê xwe û zikê xwe pê têr bike!
Kêfa şivan hat. Nan û şîrê xwe xwarin, hemî qedand û zikê
xwe têr kir. Tam wexta ku şivan got ªOxx! Elhamdulîllah!´,
çûk firriya hat li ber şivan venişt, got:
ÛŞY.. ÛŞY, Ka nanê min! Şivan şaş ma, got: ÛŞY.. ÛŞY, Min
nanên te çand şîr û xwar!
Çûk got: ÛŞY.. ÛŞY, Na, ez nanê xwe
dixwazim. Ya tu yê heft nanan bidî
min yan jî heft beranan...
Şivanî got: ÛŞY.. ÛŞY, Aman, yeman
çûko wiha meke. Kir nekir, Çûko ji ya xwe nehat xwarê, got:
ÛŞY.. ÛŞY, Ya heft nan, yan jî heft beran!. Şivan
mecbûr heft beran dan çûko. Çûko heft beranên xwe girtin
firiya çû , dît ku li gundekî dawet e. Mala dawetê req û
beqên dora gund kom kirine dixwazin wan şerjê kin û bikin
xwarina dawetê. Çûko çû li ser dara ber
mala dawetê venişt, got: ÛŞY.. ÛŞY,
Dev ji wan req û beqan berdin! Ev e ji bo we heft beran,
serjê bikin, bikelînin bidin berbû û mezûbanên xwe!.
Kêfa xwediyê dawetê û ya hemû berbûyan
hat. Beran şerjê kirin avêtin ber birincê, her kesî xwar
zikê xwe pê têr kir. Ku ji ser xwarinê rabûn Çûko firriya
hat got: ÛŞY.. ÛŞY, Kanî heft beranên
min bidin min! Xwediyê dawetê got: ÛŞY.. ÛŞY, Me beranên te
serjêkirin danîn ber mêvanên xwe, xwarin qediya.
Çûko got: ÛŞY.. ÛŞY, Na, ez heft beranên xwe
dixwazim. Yan hûn ê heft beranên min bidin min, yan jî ez
bûkê dixwazim.
Gotin: ÛŞY.. ÛŞY, Eman, yeman çûko wiha
meke! Kirin nekirin, çûko ji ya xwe nehat xwarê: ÛŞY.. ÛŞY,
Yan heft beranên min yan jî bûkê...Mecbûr bûk dan Çûko. Çûko
bûka xwe girt, firiya çû, rastî berxvanekî hat, li ber
berxan bû, tûtûka wî di dev de bû û bi meqam lê dida, dilê
Çûko bijiya tûtûkê, çû got: ÛŞY.. ÛŞY, Berxvano ma tu qebûl
nakî ku em bûk û tûtûka xwe bi hev bidin! Kêfa berxvanî hat
got: ÛŞY.. ÛŞY, Lê çawa! Çûko bûka xwe da berxvanî û rakir
tûtûka wî firriya çû, li ser zinarekî venişt. Tûtûka xwe
xiste devê xwe got: ÛŞY.. ÛŞY, Tû, tûûû, min sitiriyê xwe da
bi heft nanan, heft nanên xwe dan bi heft beranan, heft
beranên xwe dan bi bûkekê, bûka xwe jî da bi tûtûkekê! Gava
Çûko welê got, dîna xwe dayê ku çiqas ehmeqî kiriye, poşman
bû. Lê poşmaniya dawî tu fêde neda
wî. Cardin tûtûka xwe xist devê xwe, got:
ÛŞY.. ÛŞY, Tû, tûûû, min sitiriyê xwe da bi
heft nanan, heft nanên xwe dan bi heft beranan, heft beranên
xwe dan bi bûkekê, bûka xwe jî da bi tûtûkekê! Tûtûka xwe
rakir, bi hêrs û girî li tehtê da, perçe werçe kir, avêt.
Dest vala firiya çû, wenda bû, kesî nezanî ku bi ku de çû...
Çîroka min li diyaran, rehmet li dê û bavê xwendevan û
guhdaran, ji bilî fesadên ber dîwaran.
...................................
Veger
>>
tirej.net/com/org
