Hesen Berzencî
Sê kurteçîrok
VEGUHESTINEK XURUSTÎ
DI PÊVAJOYA VEGUHESTINA BERDEST DE
Li ber derîyekî danişt, serê
xwe bi sîka xwe re pîva, dît ku çawa pozê wî dirêj dibe…!,
guhên wî divezilin…..!, pirça
laşê wî pir dibe….!, kezîyek mû li ser dûvê wî şîn
tê…….!!!!!
Rabû ser xwe, û bilez
bazda…………….
Ma behitî, û di cihê xwe de
rawestîya…….dema ku xwe dît li ser çar lingan dide
teleba…………….!!?
KURTEJIYANA KENEKÎ
Cara yekemîn Gulê di dîlanê de
dît, girnijînek li ser lêvê wî şînhat, jiyan bi keskesora
xemilî, girnijîneke piçûk bû, lê roj bi roj mezin dibû, ta
ku bû kenek, û ji bo ku kenê wî çavînî nebe, çavşînek pê ve
kir…….
Lê gelek di wê navê re neçû,
asîmanê wî ji keskesoran vala kirin, û dema ku xwest li ber
xwe bide ew girtin û ew avêtine odeke vala û tarî…..
Wêneyên şahîyê di ber cavê wî
re dibûrîn, kenê wî geş dibû, ode ronî dibû, pelçemokê şevê
har dibûn, lê dixistin, lê wî kenî ji ser lêvê wî barnekir û
ne çû….
Berî ku kenê wî li darbestekê
bikin û bi darxin, zebaniyekî bi kurmanciyeke gewr du gotin
tenê di guhê wî de gotin, û ode di tariyê de hişt, û çû ……..
KURÊ MILET
Di salvegera sinetkirina* paşê
de heft roj û heft şevan dawet û dîlan li darxistin……
Paşê, her şev ji xwe û pîreka
xwe re, mêrek ji nêv millet, hildibjart….
Kesî nediye çi dibe, û yê diye
venegeriye.
Eger ew mêr wê şevê, çi bixwaze
jêre tînin, wî mirovî dikine şahiyeke mezin de….
ta bi razana wî wê şevê bi jina
paşê re ye?!!..
lê belê bi tîrêjê rojê re jî,
termê wî ji xwedanê wî re tînin, lê bê yî ku perçên wî yên
mêraniyê pêre bişînin….
Tev hêviyên me ji vî paşayî re
bi temenekî dirêêêj,
lê paşayê nû dikare bê guman
bêje ez kurê vî miletî me!!?
*yê sinetçî parçek mezin jê
kiribû ji ber ku danê sibê sinetçî bû û piştî nîvro qawirme
difrot.
...................................
Veger
>>
tirej.net/com/org
