Azer Osî
Dîdevanî
Silav
Di vê payîzê de,
ger di ber serê tere,
bayek hat û li
temberîka teyî genimî, da û xist
bizan ew ba, bayê mine.
Yan te dît…………..
Ku pelên zer, yên mîna
pinpinîkên biharê,
Bi ser tede difirin
Bizan ku ew, silavên
dilê min
Tînin.
Dîdevanî
Êvar di Çavên tede
radizê
Ez jî mîna sitêrkên
Şevê
Dibim dîdevanê Çavên
te.
Welat
Dibe ku Welat
Li ser masa te, bibe
hêlîn.
Têde ez …
Ji raza Çavên te,
raza welat nas bikim.
Û tû….
Cihê min û xwe,
di wê hêlînê de,
ava bike.
Peyv
Di dîlana sermestiyê
de,
Çemê peyvan radiweste,
û Çemê ahînan dest
pêdike.
Lêva te
Lêva te….
Kaxezek bê demsale
û lêva min…
pênûsa her demsalê
ye.
Yek bê ya din
Nedibû.
Bê vexwendin
Li vir nehiŞtin
Ku ez …
Ta bi siya te hembêz
bikim.
Ma li wir…
û bê vexwendin
tê bê
û li ser termê min
sirûda evîneke bê
lêxistî
bask Şikestî
bixwîne.
...................................
Veger
>>
tirej.net/com/org
