Dema Festîval dibin pîvanên nivîskar û rewşenbîriyê
Alfabeya te na pejirînin, dêmek te nas nakin
Festîvala Duhokê wek nimûne
Qado Şêrîn
Festîval…
Festîval .. Festîval ..ka em herin festîvalê..ma tu jî nayê
festîvalê?, qaşo tu jî nivîskarî. Ji ber Festîval bûne
pîvanên nivîskar û rewşenbîriyê, gerek tu herî. Ez ji
festîval mestîvalan hez nakim û ne ji wan re ne vala me, ev
ne karê min e, yan jî hîn ji min re zûye. Ji devera bi
qerebalix hez nakim. Hin ji min ferztir hene, lê her yek li
xwe digrî, ê ko nivîskar û rewşenbîr be naçî festîvalan,
sehê aştîxwaz hestiyên li ber xwe dixwe, ez bi vexwendina
kesan narim festîvalan, ez beşdariyê di guneh û şaşiyên hin
kesan de nakim, ew kesên ko li ser riya partiya binaxbûyî ne.
Nivîskarekî wisa got û min jî li vir top
kir.
Diyare emê
kurd jî bibin wek wan…(cîranên xwe) ew ên ko em
rexneyan li wan digrin, her yek dê dostên
xwe vexwendî ser maseyên têr tewaş û wêne bike. Lê diyare
merovê bi kêrî şelafiyan neyê bila dev ji nivîsandinê berde,
ko tu ne şelaf û peye û dostê xwedyê mehrecan û maseyên têr
bî bila rojekê ji rojan nebe xewn ji te re ko tu li
mehrecan, festîval û şahiyekê wek nivîskar û rewşenbîr amade
bibî. Ko te carekê ji caran rexneyek li aliyên
festîvalan kiribe, êdî bila nebe xewn ji te re ko tu ji bo
festîvalan bê vexwendin.
Li vir wek
fala qereçiyan du rê hene; festîvala tu ji bêrîka xwe xercî
û kirya riya xwe bidî( ji bîra mekin hun sendewîşa xwe bi
xwe re bibin), û festîvala ko xwedî û amadekerên festîvalê
te vexwendî wê bikin û ew kirya riya te bidin, di ya yekem
de her kes dikare amade bibe, û di ya duwem de dostên
amadekerên festîvalê amade dibin.
Tu çiqasî
karibî xwe şelaf bikî huqasî tê karibî li mehrecan û
festîvalan amade bibî, îca tu û jêhatîbûna xwe.
Pîvanên
beşdarbûna di festîvalan de çine gelo?
Tu çiqasî
dikarî ji wan re li çepikan bidî?.
Tu çiqasî
dost û piştgirê partiya amadekaran e?.
Te çiqasî
ji wan re gotiye; wek te ye..tu rastî, û tu di nava xwe de
100% zanî ko ne wisa ye.
Gelo
nivîskar û rewşenbîrên gerek amade bibûna, amadebûn?.
Gelo êlîtî,
partayetî, dostanî, peyitî, şelafî, kevok, goştê Beqa…rola
xwe dilîzin an na..?.
Gelo beşdar
ta çi radeyê dikarin rola xwe di meydana rewşenbîriyê de
bilîzin û bandora peyva xwe li şûna xwe bihêlin?, ma birastî
hemû rewşenbîr amade dibin. Ka Heyder Omer, ka Jan Dost, ka
Ehmedê Huseynî, Hoşeng Broka û Helîm Yûsiv?, diyare li başûr
kesek we nas nake hevalnoooo, û we nivîskar û rewşenbîr
nabînin, îca hun ji kêre dinivîsin nizanim, hun bi ya min
bikin hun ê bi ya duruşmeya festîvalê nekin û sînoran ji
peyva xwe re deynin((duruşmeya festîvalê; Peyva kurdî
sînoran di bezîne)). De dîsa başe, wa ji nav nivîskar û
rewşenbîrên rojava li Europa Xelat û Tengezar bi navê xwe
amade bûn.
Ez dibînim
ko gerek berpirsên Festivalê di riya Hevgirtina Rewşenbîrên
Kurdên Rojava li Derve re nivîskar û rewşenbîr vexwendî
festîvalê kiribana û nûçe bi vê yekê belav bikrana, her wisa
ji bo beşên din î kurdistanê jî gerek bi vî şêweyî biba. Bi
vê yekê kesekî nema dikarî wan bi tiştekî tawanbar bike. Em
li rojava û bakur bi alfabeya latînî dixwînin û dinivîsin û
li başûr hîn jî bi tîpên erebî dixwînin û dinivîsin, di dema
wan tistek ji me re nexwendine ew ê çilo zanibin kî nivîskar
û rewşenbîr e û kî bi E-mail û Messenger dibe nivîskar û
rewşenbîr, ev tê wê wateyê ko di riya kesan re nivîskarên
rojava û bakur têne vexwendin, yan jî bi navan bihîstine û
tiştek ji wan re nexwendine, dîsa li vir pîvanên beşdarbûna
di festîvalan de ne dirustin.
Li gel van
û wan û yên dera han, li gel hemû pirsgirêkan, pirsgirêkên
me û wan, festîvala Duhoka rengîn yekemîn gave ber bi
bihuştê ve, ber bi avakirina serayên çanda kurdî, kelehên
canda kurdî..bê guman dê rê ne bi gulan raxistî be, dê hin
strî jî hebin, îca ji me hemiyan tê xwestin koe m bi hevûdu
re wan stiriyên beloq ji nav çanda xwe rakin dako em..em
hemû bi serkevin…dako merov û qaşo nivîskarên bê helwest,
nivîskarên helkeft û festîval û berjewend ji nav me rabin.
Di rojên zirav û teng de pirê wan dê nebedî bibin, wek çilo
di serhildana 12 avdarê de nebedî bûn, gura ew xwarin…
Ji bo ko em
bizanibim kî hate vexwendin û kî hate ceza kirin û pîvanên
beşdarbûna di festîvalan de çine, min nameyek ji hin
nivîskar û rewşenbîrên rojava li Europa re hinart, li jêr
bersivên wan bê nav belav dikim, ew jî şaşiya min e, ji ber
dema min name ji wan re hinart min ne nivîsandibû ko ezê
bersivan biweşînim. Ji xwe hinan şerm kirin bersivê bidin û
diyar bikin ko vexwendin ji wan re nehat. Min ji hin
bersivan hin peyv û hin hevok rakirin, çimkî …hun dizanin
gelî xwendevanan, bila ji wisa bêtir li me sor nebin. Ji xwe
lêborînê ji dostên xwe yî nivîskar û rewşenbîr dixwazim ko
min wisa kir.
* * *
…. baş Qado can,
di derbarê pirsên we de, nexêr.....
ji xwe tu vexwendin (Xwedê neke), nehatine.
Ne ji Bakur, ne ji Başûr, ne ji Rojhilat û ne jî ji Rojava;
ne ji Kurdistanê, ne ji Buheştistanê û ne jî
ji dojehistanê; ne ji Yekîtiya nivîsevanan, ne ji ya
xwendevanan, ne ji ya daholvanan û ne jî ji yekîtiya
zirnevanan (û Xwedê vê jî neke). Lê li wir, ku "Kurdistan
gihaye wexta çinînê" pîvanên beşdarbûnê çi ne ne çi ne,
bibûre, ku ez ne dizanim ne jî dixwazim bizanibim.
H…
* * *
Çaxê te bi xêr birê min qado
Tu vexwendin mexwendin ne ji min re ne jî ji
jina min a şewekar re nehatine û nayên ji ber wek tu min nas
dikî ez ji kesîre nabim kole mole û şabaşê ji kesîre nakim.
Ez ne Xelat û Tengezarim ko weha bim.
Pîvan çine, amadekerên festîvalê dizanin ji
ber ku pîvan hebana dê biweşandina..
Dibe ku sala bê tu bi baysiklê xwe herî, ji
bîra meke tu Ehmed Huseynî li pişt xwe kî û Helîm li ber xwe
da ku di rêde ji te re helbest û çîrokan bixwînin…rê dirêje
birê min..
Nizanim çima tu serê xwe bi van tişt miştan
re dêşînî…
Li xwe
biner.
Ş. R
* * *
????
????? ???? ????? ??? ?? ??????? ??? ??????
??????
???? ?????? ???? ?????
?? ??? ???? ????????? ????
??? ????? ????? ????
?????? ????? ??? ???????????
??? ??? ???????????
??? ?????????
M.. … ….
* * *
silav û rêz...
ji bo yekemîn festîvala rewşenbîrî li Dihokê
ez nehatime vexwendin...
û ji bo pirsa we: heger komîteya amedekar
xwedî rameneke kurdperwer be, gereke ji hemû beşên
rewşenbîrî û ji hemû perçeyên kurdistanê û ji derveyî welêt
rewşenbîrên xwedî bandor hilbijêrin û vexwendî festîvalê
bikin, bi têkevin bin bandora siyasî û xal û xwarzêtî----
Bira û hevalê min î
Hêja: Qado Şêrîn. ji bilî her tiştî, birastî min bîriya te
kiriye, ya din ji bo
vexwandinê, ji me re wek ….net hatibû gotin, ku ewê me
vexwende bikin, ew ne ji min re gotibûn - ji hevalê … re -
lê ya rast ti vexwende ji me re nehatin, tenê belav-kirina
nûçe û programa Vistîvalê ji me re hat birê kirin!!!!!!!! û
ji rêzdar Hesen Silîvanî YNK-Dihok.
û ji bo pirsa we
pîvanên rewşenbîrî çi ne, ez dibêjim: rola her tiştekî heye....tenê
rewşebîriyê NA. pir mixabin Fistîval, şev, Aheng.... qasho
em nav lê dikin rewşebîrî!!!! lê bixwe ne weha ye,
Fistîvalekî wek vê - Ya Dihok,ê – bandora têkliyên kesane
têde beloq e, ji Europa 15 kes!!!! ka Ehmedê Huseynî, ka
Helîm Yosêf, Royarê Amedî, Selîm Biçûk, Qado Şêrîn, Nezîr
Palo..... S...
M ...d.... k..... û
her weha li welêt jî pir ji weha xerab tir e... rewşebîrî jî
ketiye destên siyasetvanan!!!! têklî bi rewşenbîran re wek
mejiyê partiya BE;S tê kirin, çepik û çepik û bijî...
(( kak Qado ji bîr
meke hevalê te S. B. li wir e, çawa rewşenbîrî dê nekeve
destên M...F A_BIRAN!!!!!!!!))
rêz û silavên germ
birayê te H. ..
* * *
ma qey pîvan û bingeh û komîte ji
vê festîvalê re hebûn xalo?????????
hema … li ser bingeha naskirina
kesayetî ji xwe re nivîskar û helbestvan vexwendin festîvala
xwe. bash e bash e xalo, ev jî bash e, ma ne ji tunebûnê
çêtir e?
silaaaaaaaaaaaaav.
W..
* * *
Qadoyê hêja,
Kesî ez vexwendî nekirim.
Pîvana vexwendinê partîyaneye, eger tu dostê
partîya wan bayî , belkî tu bihatayî vexwendin !
Ev halê me kurdane.
Demek dirêj ji hinan re divê ku kurdayetîyê
têxin şûna partîyetîyê. Ev yek di her warî de divê, taybet
jî di warê wêjeyê de. Xwe pir (neqeherîne) nexeyîdîne
loooooooooooo.
Silav
H. R
* * *
Hêja Qadoyê Şêrîn...
PENA kurdî ji endamêd xwe pirsiya, ku kî
dixwaze biçe festvalê?! Ji min jî pirsiyan... Lê wekî dî
kesekî neşand.
C..
* * *
Roj bash Qado!
Ji min re tu vexwendin nehatin.
Pîvan chi ne ez nizanim.
Rêz û silav.
K….
* * *
Merheba Qado yê Shêrîn,
Vexwendin ji min re nehatiye û min jî ji
malper û rojnameyan bihîst ku Festîvaleke weha heye. Pîvanên
vexwendina Festîvalên weha di dilê amadekarên Festîvalê de
ne.
.....
.......
.............Ez bi xwe pîvanan nizanim, lê
dibe ku xwedê zanibe.
Rêz û silavên ji dil.
H…
* *
*
Çaxê we bi xêr,
Belê ez vexwendî festîvale bûm, lê ne bi
berpirsên wê, bi mirovekî, min jê pirsî ya te çiye?, got: te
çi jêyî, îşê te jê nîne. Lê min ev yek redkir.
Ma min ne baş kir qado. Sala bê ezê biçim
sola nivîskaran paqij û boyax bikim…ev ji bo tu bikenî ha.
Te helbesta min a dawî xwend?,
Mesnegera
te nîne?.
tirej.net/com/org
