Qilçix

 

 

 

 

 

Qilçixa: Qado Şêrîn
Bijî yekîtî 01 li dujî yekîtî 02.
Bijî sehê min û bimre sehê te.

 

Bijî yekîtî 01 li dujî yekîtî 02.

Bijî partiya azadî01 li dujî partiya azadî02

Bijî partiya xezurê min û bimre partiya xezûrê we.

Bijî serok li dujî serok. Serokê te bi gorî serokê min be, ji ber serokê min serokê hemû kurdaye, lê serokê te xayîne.

Bijî partiya min û serokê partiya min li dujî partiya we û serokê we..

Bijî serokeşîra min li dujî serokeşîra we..

Bijî kurd dema li ser tiştekî vala bi hev dikevin.

Bijî welatparêzên helwestfiroş.

Bijî kurd dema bi hev dikevin û dujmin şad dikin.

Bijî dema em ji bo helwest û nerînekê hevûdu dikin xayîn û seh kurê seha..

Bijî partiya min û bimre partiya we..

Bijî partiya min ji bo azadî û serxwebûna kurdistanê û hun hemû bi qurbana min û serokê partiya min bin.

Bijî komeleya min, bijî malpera min, bijî koşka min, bijî ola min, bijî tivinga min, bijî hiş û ramanên min yên pêşketî û mirin ji bo serê te yê wek kundirekî vala.

Bijî şêxê min û bimre şêxê we, ma şêxê we jî şêxe, weyla li mala bavê siwaran be. Ko we ji dê û bavê xwe fedî bikra hun nedibûn mirîdên wî şêxê şaşik mezin.

Bijî gundê min û bimre gundê we, di gundê we de welatperêz û serokek nîne. Werin mafê penaberiyê li gundê me bixwazin.

Bijî bajarê min û bimre bajarê we.

Bijî pêxemberê min û bimre pêxemberê te.

Bijî xwedayê min û bimre xwedayê te. 

Bijî ez û bimre tu, tu bi qurbana min be. Ji ber ez welatparez im û tu xayîne.

Bijî nişteciyên kolana min û bimrin ên kolana te, ne tu fedî nake ko di wê kolana lewitî de dijî.

Bijî welatê min û bimre welatê te.

Bijî girê gundê min û bimre çiyayê gundê we.

Bijî helbestvaniya min û bimre ya we.

Bijî nivîsvaniya min û mirin ji bo hemû niviskarên din, ma hun jî nivîskar in.

Bijî dê û bavê min, mirin ji bo dê û bavê we.

Bijî sehê min û bimre sehê te.

Bijî ez wek hunermend û bimre tu wek ne hunermend.

Bijî ez wek nivîskar, wek hunermend, wek rewşenbîr, wek siyasetmedar, wek lêkolîner, wek pêxember û wek xwedê. Û bimre tu ey ne tiştik.

Bijî başûrê kurdistanê li dujî bakurê kurdistanê.

Bijî rojava li dujî rojhilat.

Bijî kerê min î nêr û mirin ji bo kerên we ên mê.

Bijî mişk û marên min û mirin ji bo ên we.

Çend pirsên wek Têbîniyan: 

-kî ji me kurdan wisa nabêje bila destê xwe bilind bike?. 

-Kî nabêje ez û dîsa ez?. 

-Kî xwe her tişt nabîne?. 

-kî xwe her tişt nabîne û ê din tune nake?.

-kî xwe şaş dibîne û ê din rast dibîne?

-dema me bersiv ji van pirsan re dîtin emê biserkevin.

-ez pêşniyar dikim ko partî û grûpên li dujberî hev bi pelikan(Qeremaç) yan jî bi navê bilîzin, ê ko zora wî çû bila bêje çîz û ji meydana bijî ez (ezîtiyê) derkeve.

tirej.com