Weşan

 

 

 

 

Danasîna pirtûkekê

Hêmen Kurdaxî
êş, eşq û xewnên xwe neqişandine

 

Nivîser

Hêmen Kurdaxî (Neşet Betal) sala 1973an li Gundê Qermîtliq, herêma Kurdaxê (Çiyayê Kurmênc) ji dayïk büye. Ji sala 2000-î ve li Almaniyayê dijî. Ew xwediyê
"(,Çêroka neynûkên şikestî" ye, ya ku di Sibata 2003-an de helbestvan bi me dabû naskirin.

Ev berhem

Peyv, raman, hest û nîgaş, dema ku bi giyanê mirov têne stran, hêvanê helbestê jê peyda dibe. Helbestvan li gor hunerî û şêweyê xwe wêneyan ji wî hêvanî dirêse û tabloyine taybet ava dike.

Hêmen Kurdaxî di vê berhevokê de sotin, şîn, girî, keser û xemkêşî di tabloyekê de vejandine. Herwiha êş, eşq û xewnên xwe ristine û wêneyine bêtebat neqişandine.

Di aliyên beravêtî de, di mirinê de, û di talanê de, rengan dicivîne, û li wir li dûriyê winda dimîne. Bê ziman û bê ezman, li ser sînorên dînbûnê westiyayî digrî.

Hêmen helbesteke ji nalîneke dirêj di pença xwe de hil-aniye, ji bo giriyekî din.

Ka em li neynika wî binêrin, û vêxistna wî bixwînin, ka ew bi çi kizotî dişewite, û em binasin ka çi nifir li wî hatiye kirin.

Nezir Palo

Smoren rejiyê 5

 

( ev nivîs hêja û helbestvanê kurd Nezîr Palo di pêşgotina pirtûkê de nivîsandiye, min jê baştir nedît ko wek danasîna pirtûkê belav bikim, pirtûk hêjayî xwendinê ye. Sernivîser))

Ji Helbestên pirtûkê:

              Diyarî

Min gulek heye

Ez dikanim wê diyarî te bikim.

Dilekî min heye

Ez dikanim pê ji te hez bikim.

Lê tenê min welatek heye

Bila ji bo te û min be.

tirej.com