Helbest

 

 

 

 

Ronî Elî
Vexwe Yarê ...

 

(Diyarî bo nemirên Avdarê)

 

Vexwe yarê …

Ji peyalên xwîna Avdarê

pêsîra latên xormalê

Ava Decle û Ferat,

Mofrikên Avesta,

Pendên Konfoşyos û Zeradşt

Ji dîlokên Zbûr û Tewratê

Afsaneyên Incîl û Quranê …

 

Vexwe yarê …

 

Ji şkestina dilê min

Û serkeftina Holako

Ji çanda torînên Hecac

Û dengê (Elah û Ekber)

Ji nalîna zarokê mîdî,

Ku li ber deriyê zindanê,

Ji hinavên dayika xwe,

Bi gez û lez

Daket û ket …

 

Vewe yarê …

 

Ji dilopên barana reş

Ku bi qamçiyên sultanan,

Di gobega çavên min de

Sînorên bêçarî û neçariyê

Li hev hûnandin

Ji alavên (1). Sibatê,

Ku halan û dîlan

Di gewriya keça min de

Ziwa kirin ...

 

Vexwe yarê ...

 

Ji hêstirên dayika nemiran,

Ku di (12 )ê Avdarê de

Tax û kolanên şar û gondên me,

Rakirin ser piyan

Ji kesrerên ku bi girtiyên Avdarê re,

Di şevên reş û tarî de,

Berxwedan bi nav kirin

 

Vexwe yarê ...

 

Vexwe û nepirse

Ev çi talane

Vexwe û nebêje

Ev çi wêrane

Ji ber dixwazim

berî ku bimrim

Tenê

Dev li ken

Te bibînim …

tirej.com