Malpera Tîrêj Tevayî û çandî

Azer Osî
Dilsozî

Ji bilî dilê min?

Bayê evîna dara min?

Ma çi?

tê bibe, wê cîhana din.?

Dilê ku di xewn û xewa min de!

Pêjna gavên te dikir.

Li ser milan te radikir.

Li gel te, jiyan dikir.

Û li şevan…….

rengê riwê te dida.

Te ji xwe dipirsî?

bê ez.....

ji te bêhtir,

bi êşa te zivêr dibim.

Û bi yek pirsê?

ji te re amade dibim.

Bi êşa te!

jana ez têde,

ji bîr diçe

û bi pirsa tere,

ew diçe.

Te ji xwe dipirsî?

bê wê kî?....

li ber mûma şevê

û di demên westayîna te de

rûpelên dilê te bixwîne,

û di hewara işqa te de bê.

Te ji xwe dipirsî?

bê tê dilekî wekî dilê min

li ku bibîne.

Xwezka min karîba

xwesteka te pêkbaniya

ta xweş ji xwe re

te dilsoziya min bidîta

û nas bikira.

6. 8. 2003

Beyrût.

Zor

Dera ku têde

bayê evîna te,

zora min dibir.

Û te min.......

bêlêpirsîn?

dîlê şopa xwe dihişt

jê û pêde!

bendewarî para min dima.

16. 8. 2003

Beyrût.

tirej.com