Malpera Tîrêj Tevayî û çandî

YARA MIN

Ferhadê Çelebî

I

Tenê

yara min

Sînga xwe

Ji gullan re

           radixîne

Û dibêje ; - Fermo ..

Tenê

     yara min

Sibehekê ji xew rabû

Xwe dîtî çar perçe ye ,

Tenê yara min

Kewên basko-kirî

      bi firê dixîne .

II

Xwedê

   nav li hemo

      yaran kiriye ..

Tenê

   yara min

      nav jêre nedî bû

Xwedê

    di rewşa xwe de

         giriya bû ,

Çimkî

      ew xwedane .

Û

Nikarî bû navekî

Li yara min bike .

III

Yara min

Wisan em çîroka

.. Helebça dizanin

Û bi Mîdya

     em serbilindin .

Perîşan bûn .

Piştî Zêwa

Me bi zarokan

     sûnd dixwar ..

Û piştî çavên

Amûda rengîn ..

Nema

     diçin Sînemê ..

Lê ..

Hey yara min

Ji boyî çi ..?

Em vî qasî

Hez ji Helebça

            dikin ..?!

Deng vedigere

Û

Dibêje :

- Ji ber

ku Helebça mêye ..!

IV

Yara min

Me ji zarokan bihîst

Ku Kawa

Doza Helebça dike ,

Wê dixwaze bo şahiya

Newrozê li darxin ..

Û şêraniya xwe çêbikin .

*    *    *

Me ji pîrekan bihîst

Ku Helebça

Cilên xwe yî

Rengîn li xwe kiriye ..

Gurzek kulîlkên zer û sor

ji Kawa re

             amade kiriye .

*   *   *

Me ji pêşmergan bihîst

Ku Helebça

Kevokên sipî

Li xwe vehewandine

Lê yara min ..

Mêvanên wê şahiyê

Berî dema xwe hatin ,

Diyariyên xwe şandin

Ji zarok û bûkan re

Ji xort û kalan re

Û

Dest bi şahiya xwe kirin

Û Helebça

Dest bi şîniya xwe kir .

V

Yara min

Çima

Ji dayikan

Bêhtir

Hiz ji Helebça dikin .

Û

Nû me dohî

Te naskirî ..

Deng vedgere

Û dibêje :

- Guneh ewe ku hûn

       Kurdin ..

VI

Bibûrîne

Yara min ..

Dengek

ji dûr tê

Û dibêje :

- Gelo di carên tê de

Kiye bûka Kawa ..!?

Bo şahiya

         Newrozê ..

             li darxine .

Bi hêvî me yara min

Ku ezê zuxta dawî bim .

24-07 1994

tirej.com