Malpera Tîrêj Tevayî û çandî

Çarikên Berbangê derket

Qado Şêrîn

Bi alîkariya yekîtiya nivîskarên kurd-leqê Duhokê û ji çapxaneya Hawar, li başûrê kurdistanê dîwana yekemîn ya helbestvana kurd Xelat Ehmed di bin navê Çarikên Berbangê-Tiryaq û bi erebî derket.

Belge ji karê hunermend Îsam hecî Tahir e. Pirtûk 84 rûpele ji beşê navê û ji 13 helbestan e.

Ji nav helbestên vê dîwanê hin helbest ji bo zimanê kurdî ji bilî Ehmedê Huseynî, Xemcivîn, Jan Dost û hin din, hatine wergerandin.

-Xelat Ehmed beşdarî di kovara Hejelname de wek helbesvan û wergêr, kiriye.

-Folklor û dîrok ji kurdî wergerandiye Erebî.

-ji Celîlê Celîl, Rohat Alakom, Cigerxwîn, Keça kurd, Sûzan Samancî û Qado Şêrîn re berhem wergerandiye erebî.

-Xelat Ehmed di sala 1972an de û li Dêrika Hemko(( rojavayê Kurdistanê)) ji dayik bûye.

Min helbestvana kurd Xelat Ehmed bi helbestên wê yên balkêş û hêja nas kir, çimkî wê di gelek malper, rojname û kovaran de helbestên xwe weşandiye, wek: tirej.com, jehat.com, iraqiwriter.com û gelekên din.

Nimûne:

http://www.tirej.net/helbestan/1.%20Xelat.htm

http://www.tirej.net/index.2028.xelatehmed..htm

http://www.alahali-iraq.com/newspaper/91/12.pdf

http://www.jehat.com/ar/default.asp?action=article&ID=4214

Helbestên wê bala min wek ya gelekan kişand û min xewnin mezin li ser ava kirin ku Xelat Ehmed dê bibe helbestvaneke navdar, hin di helbesta erebî û hin di ya kurdî de, ji ber ku helbesteke bilind dinivîsîne, ev nerîn û dîtina gelek nivîskarên kurde jî. Xelat ji helbesta xwe hez dike û xwe baş pêre diwestîne ta ku helbesteke xurt û bilind binivîse, kê jêre xwendiye gihaye vê baweriyê. Ez bawerim dê navekî mezin pêkeve.

Helbestên Xelat Ehmed li ser jiyan, dîrok, kultur, tenûr, rabûn û rûniştina gelê kurde, dema tu helbesta wê ya bi erebî dixwîne tu xwe û kurdayetiyê têde dibîne. Mijarên wê hilbijartîne. Wêne û simbolên wê xweşik û nazik in, ji merov weyê ku ew wêne û simbol bi merov re bûye, ango di jiyana her kesî de bûne û naskirîne.

Helbestên Xelat Ehmed li ser jiyan, dîrok, kultur, tenûr, rabûn û rûniştina gelê kurd in, dema tu helbesta wê çi bi erebî û çi bi kurdî dixwîne tu xwe û kurdayetî û jiyana xwe têde dibîne, helbestên wê neynikin merov rastî, xerabî, şikestin, avakirin û evîna xwe tîne, merov xwe têde dibîne. Helbestên wê banga her zarokekî kurde, qêrîn û hawara kurde. Her merov xwe di helbestên wê de azad dibîne, bi taybetî evîndarên ku li ser xewn û hêviyan dijîn û li dilbera windayî digerin.

Di helbesta xwe De bila guhîjok di xuşîna xwe de gêj bibe, dibêje:

Pîrikên me

Pêşmalk bi rûn

Çêçkên qaza û bîranînan tajon

Balinde tevnên wan dixwînin

Ez û te di hêlînê de

Niklê hev diramîsin

Evîndariya helbestiyane ev bixwe ye, merov evîndar dike û bi hembêz û ramûsana dilberê re germ û ji nû vedijîne.

Xwendin û peydakirina pirtûka Xelat Ehmed hiş û raman û pirtûkxaneya we dewlemend dike.

17,10,2004

tirej.com