Gotar

Qilçix

Hevpeyvîn

Helbest 

Çîrok

Lêkolîn 

Rêziman  

Wergerandin

Mûzîk 

Hunermend

Keskesor

Zarok

Lîsk

Navên kurdî

Kevnetor

Metelok

Tu dizanî..!?

Weşan

Lînk

Karîkator

Têkilî   

القسم العربي

»»»»

Helbest

 

 

 

HESTÊN SERBERDAYΠ

 

HASAN KAYA

 

Li kendava birûskên awirên te

Jikêr ketim

Li tenişta dilê te bûme penaberek

Bi hewldaneke Spartakusî

Ber bi dilistana te ve hatim…

Min,

Hemû mertalên evînê

Li ber kela dilê xwe sû kirin

Hemû şevên xwe

Bi kerb û hesretê parzûn kirin…

Kerî bi kerî

Cot bi cot

Dora jidilbûna min rapêçan,

Leşkerên tabûyên te…

Te deşta dilpakiya xwe

Li min wergerande qada cengê

Adaniya zozanê xwe

Li min kire xela …

Min,

Bi  benê tenêtiyê

Bi hevsarê teslîmbûnê

Bi sirûda gazindan

Xwe bi dar ve kir, bi xemsariya rûyê te ve…

Min,

Hestên xwe bi meşka agirî keyand

Li ber deriyê sergiraniya te

Min,

Nefsmeziniya xwe

Bi ezameta evîna te şûşt

Da ku

Tu veneşêrî ji min

Çêja melankoliya xwe

Bibexşînî, sira nexşeya huzna xwe

Û verişînî girêka huşbûna zîzbûna gulelêva xwe…

Payîz’2004-Stenbol

 

tirej.com